1

Ampat ikang makapasiag,

Patulunan ming mapanyap;

Lingun ka keke at gunyat,

Maligayang San Nicolas.

2

King daing ding pengari mu,

Novenas a e kalaru;

Kang San Nicolas Obispo,

Ning Dios ligud na cao.

3

Bista's baug la reng matua mu,

Abunga ra ka ping tutu;

Lingun ka keke at gunyat,

Maligayang San Nicolas.

4

Inyang papagaral da ka,

King sulat ampon Latin pa;

Alang sulit mebiasa ka,

Ning Guinu pablasang lub na.

5

Iti ngan lugud a ganap,

Akamtan mu ngang matuyad;

Lingun ka keke at gunyat,

Maligayang San Nicolas.

6

Pablasang keka binie na,

Ing minlunga cabanalan;

Salamin da kang malinang,

Ding sablang talapagaral.

7

Lalame kang alang tuknang,

Pamipasakit katawan;

Lingun ka keke at gunyat,

Maligayang San Nicolas.

8

Linub kang mig-relioso,

King conventong Agustino;

Karin maustang tinggap mu,

Ing king orden Sacramento.

9

At karin mu pepasilad

Kabanalanan a masapsap;

Lingun ka keke at gunyat,

Maligayang San Nicolas.

10

Uling bunga kang pagmala,

Ing Dios e mo sasawa;

Keka magkalam pagmala,

Lulugud nang sabla-sabla.

11

Makakayap karing malda,

Kalam ning kekang pagmala;

Lingun ka keke at gunyat,

Maligayang San Nicolas.

12

Nung ume kang painturu,

Panalangin mung koro;

Sunlag mayakit lang tutu,

Batuin king habitu mu.

13

Tanda ita king lugud mu,

King Dios ning banua't yatu;

Lingun ka keke at gunyat,

Maligayang San Nicolas.

14

Anam lang bulan a wewe,

Bayu lumipat kekang bie;

Ayan da kang ipaglame,

Angeles nang mangabinti.

15

Ning Guinung Ibpa tang sugi,

Tula mu alang cayanti;

Lingun ka keke at gunyat,

Maligayang San Nicolas.

16

Kanitang milalapit na,

Pamanuli mu karin banua;

Y Jesus delauan na ka,

Abe ning mal a Indu na.

17

Ngana keka kabud gingcas,

Isaplala ra ka't itas;

Lingun ka keke at gunyat,

Maligayang San Nicolas.

18

E ata inyang miras na,

Itang aldo makayama;

Inukyat daka at tinas,

Angeles ning banuang matas.

19

Dadalit la at magkopyas,

Palad mu alang katulad;

Lingun ka keke at gunyat,

Maligayang San Nicolas

20

Inyang karin atina ka,

Lugud mu alang kapara;

Karin keka mengulila,

Babie mu ngang ipadala.

21

Anting ambun ning banua,

Maging lunas king sakit da;

Lingun ka keke at gunyat,

Maligayang San Nicolas.