VLDR

27

PAMANISI (2/2)

Tatantu ku at ipangakung matibe ibat ngeni king e na ku miuman mikasala Keka,

Nung saupan mu ku king mal mung grasya,

Bisa ku pang mate bayu na ka pikasalan pasibayu,

Panaligan ku king e mu nanung lugud mu ampon king alang anggang pakalulu mu,

Ing patawaran mu ku king sablang kasalanan ku,

Manga ibie mu kaku ing mal a grasya mu,

Ba kung e mikawani king pamalsintang tapat,

At mataktak a pamigagap ampon pamag-debosyon,

Kekang Kabanal-banalan a Trinidad,

Ya Na Sa

(Manungue ampong Malda) Ibpa mi....

(Manungue) Ligaya king Ibpa, Ligaya king Anak, Ligaya king Espiritu Santo.

(Malda) Antimo ing sadya Dang Ligaya, king Kamumulan, ampon king alang angga,

(Malda) Amen

(Manungue) Santo, Santo, Santong Dios, a Ginu ding Ejercitos,

Mipmu ya ing banua ampon ing labuad king Kekang ligaya,

Ligaya king Ibpa, Ligaya king Anak, Ligaya king Espiritu Santo.

(Malda) Antimo ing sadya Dang Ligaya, king Kamumulan, ampon king alang angga,

(Malda) Amen

( Ulitan ya ing "Santo, Santo.." 9 X ).

( Ulitan ya ing "Ibpa Mi.." 3 X ).