VLDR

20

DAUN ...

Kayumu-yumuan a Jesus ko, a king pamanatbus mu king yatu,

Mibait ka, tinggap mu ing Sirkumsisyun, sikuil da ka ring Judio,

Mibie ka king gamat da uli ning pamanuma nang Judas,

Mibidbiran kang lubid, midala ka king pipatayan anting manung Cordero,

Midungut ka arap nang Anas, Caifas, Pilato angga kang Herodes,

Pigluran da ka at simbung pisaksian ding taung mangalaram,

Timpaling da ka at kipnuan kapalmuran, mengasugat ka Katawan king batbat,

Pepaputungan da kang suksuk, pemulpuk da ka king metung a dutung,

Detang marangang Judio, tikpan dang Lupa mu king metung a purpura,

King pamamiru da Keka, linubas da Ka king kalibakan da,

Mipaku Ka king Krus, layun karin telakad da ka,

Libutad da ka karing aduang mapanako anti mong metung ka karela,

Pepainum da kang aslam a leukan atdu,

Inalus dang tandus ing Katalindikan mu,

Ginu ko, uli nitang e pabilang a lasa mung delanan uli mi,

Timawan mo sa pu ketang sakit dang kakatan ding Kaladua king Purgatorio,

(ing lagyu nang ...)

At layun mong dalan king kapaynawan ning kakamal-kamal mung ligaya,

At uli ning pakundangan king kakamal-kamalan mung pamailasa't kamatayan,

King Krus ikabus mu kami ketang dusa king impiernos,

Ba keng mangaintulid lungub ketang kayarian,

A nung ne me dela ing mapalad a mapanako,

A kagnan mung mipaku king Krus,

A yapin ing pakasautan mu't pagarian kagum ning Dios Ibpa,

At ning Espiritu Santo,

Maangga man king alang Angga.

Ya Na Sa