VLDR

18

Lusuk malam a Jesus ko!,

balikdan mo wari pu kareng Mata Mung mapamakalulu,

Ding kaladua ring bininyagan a mengamate,

At king uli ra, mete ka, layun tinanggap kasakitan king Krus,

1> Jesus ko, alang-alang king keraklan Pawas mung Dayang minagus karin,

king mula inyang manalagin ka:

Ibie mu ing pakalulu ing kaladua ning alipang mung Y __

2> Jesus ko, uli ning tampaling a tinggap ning Kagalang-galang a Lupa mu:,

3> Jesus ko, uli ning e mabilang a batbat a piaku mu:,

4> Jesus ko, uli ning malaing a koronang suksuk a mengatirik,

King kabanal-banalan a Buntuk mu:

5> Jesus ko, uli ning panlakad mu king kapait-paitan a langsangan,

Mamusan Krus a pipakuan da Keka:

6> Jesus ko, uli ning Kabanal-banalan a Lupa mung mimusingan king Daya,

A likuan mung milarawan king bumbung nang Veronica::

7> Jesus ko, uli ning imalan mung meñgadta king Daya a likas dang pemilit,

A likuan dang pemilit king Katawan mu retang marañgang tau::

8> Jesus ko, uli ning Kakamal-kamalan a katawan mung makapaku king Krus,

9> Jesus ko, uli ning Kakamal-kamalan a Gamat mu at

Bie a tigpusan ding mangasias a paku:

10> Jesus ko uli ning Katalindikan mung mibusni king malaing a tandus,

A nung nu sinibul ing Danum at Daya:

Dinan mong(meng) kapaynawan alang kapupusan, Ginu ku.

At Aslagan no (ne) sa ning sulu mung alang angga.

Manatili la (ya) king katahimikan.

Ya Na Sa

Ulitan yang makatalimang ukdu, manibat king Panalangin a "Lusuk Malam"