VLDR

9

Lawan mu sa, Jesus ko,

King ing mal a Daya Mu,

Papiglo at kaklis manyawad king kasnawan at kapaldan mu,

Maigit pa king daya nang Abel,

Uling ita manyawad parusa king tampalasan,

Dapot ing Keka, Ginu ku,

Panyawad ne pang pakalulu ining alang lub a makasalanan,

A tiu ngeni lasa king kamatayan.

Jesus, Maria at Jose!.

O Ibpa ning pakalulu,

Karing Gamat Mu panabilin ke ing kaladua ku,

At anti king malapait neng kawani kening katawan ku,

At makatibing mabaldug king gamat ku ding salang ku,

Samsaman me sa pu at tanggapan,

Ban e masayang ining lelangan mu,

A kepagkasakit at kemate ning Anak Mu.

Jesus, Maria at Jose!.

King panlako ning kaladua ku keting yatu,

Ilugud mu sa pu kaku ing mal mung bendisyun,

Subukan mu ku sa pu, manga ibalut king kamatayan,

A makabie bie alang angga, uling iti ya ing tutu kung buri,

At ya namang masalang tanda ning pamamatawad mu kaku.

Jesus, Maria at Jose!.