VLDR

3

Ngening nung ing kakung isip sasamalan na ne ning makatakut a kapigaganakan,

Mikulaput king kakila-kilabut a lungkut at ngeni nung ing kaladua kung,

Tatakut king Panga-hustisya mu, uli ning kasalanan ku,

Makilaban ya king demonyung bisang sumira king pamanalu ku king pakalulu mu,

At buri na kung ibaldug king kalalaman ning keyalan kapanaligan.

Jesus a mapamakalulu, malunus ka sa pu kaku.

Ngeni nung ing pusu kung maina at piputan ning sakit ning daramdaman ku,

Mangalimgiman ya king takut na king kamatayan,

Mapagal ne't maibug mabaklas king pamagkapiit

nang linaban karing salang ku.

Jesus a mapamakalulu, malunus ka sa pu kaku.

Ngeni nung matak na ing katataulian kung lua,

A tanda ning kamatayan ku,

Tanggapan mu sa pung pekabayad ning kasalanan ku,

ba kung mate maging daun ning penitensiya at ketang makatakut a oras.

Jesus a mapamakalulu, malunus ka sa pu kaku.