Aldo-aldo kang Maria,

Gagale ke’t malsinta;

Uling ya ing kekeng Indu,

Malugud kekeng tutu.

  II

King dalise, pamamuri,

King Reynang matas dili;

Awsan miyang “Birhen Indu”,

Malugud kekeng tutu.

  III

Bapu Indu, Birhen Santa,

Bapu Maria, mipmu king grasya;

Ing Ginung Dios, atyu keka,

Kareng sablang babai, nuan ka.

  IV

Dapot lakwas ya pang nuan,

Ing bunga na ning kekang atyan;

Panalangin mu ke , Indung mal,

Kang Jesus, Ari ning Sikluban.

  V

Santa Maria, Indu ning Ginu,

Panalangin muke king Dios;

At layun mu, keng ikabus,

Karing sablang tuksung dururup.

  VI

Atyu ke king mal mung harapan,

Manenayang keng pakaluluan;

At king oras ning kamatayan,

Mantabe ka sana, Indung mal.

9 - Aldo Aldo

VLDR

Previous Next

Up